თორი ცნობილ მეცნიერთან და მწერალთან, ჯეინ ფოსტერთან დაშორებას კიდევ განიცდის. სანამ ის იბრძვის გალაქტიკის მცველებთან ერთად, იცავს დევნილ პლანეტებსა და კულტურებს, ის ცდილობს იპოვოს ცხოვრების აზრი. როდესაც მცველები იღებენ ათასობით ზარს დახმარების თხოვნით, თორი და კორგი გადაწყვეტენ ძველი მეგობრის დასახმარებლად წასვლას, სადაც ისინი შეიტყობენ, რომ გორიმ გადაწყვიტა ყველა ღმერთის მოკვლა.
საინტერესო ინფორმაცია:
ფილმში წარმოდგენილია ზღაპრული სპეცეფექტები და საინტერესო პერსონაჟები. მიუხედავად იმისა, რომ ფილმს ნამდვილად აქვს იუმორისტული მხარე, მასში არის საკმაოდ ინტენსიური სცენები, რომლებიც ძალიან ბნელი და საშიში იქნება პატარა ბავშვებისთვის.
მთავარი გზავნილები ამ ფილმიდან არის ის, რომ ჩვენ უნდა ვიცხოვროთ სრულფასოვნად, რადგან არცერთმა ჩვენგანმა არ იცის რამდენი ხანი გვაქვს ან რა გველის ხვალ; რომ ჩვენ უნდა ვეძიოთ სიყვარული, რადგან ეს არის ის, რაც ნებისმიერ ჩვენგანს ნამდვილად სურს; და რომ არ არსებობს იმაზე დიდი ძალა, ვიდრე გაჭირვებულთა დახმარება.
მშობლებმა შესაძლებელია შვილებთან ისაუბრონ ისეთ ღირებულებებზე, როგორიცაა გუნდური მუშაობა, გამბედაობა, თავგანწირვა ან სიყვარული.
კითხვები დისკუსიისთვის:
რითი განსხვავდება ან გავს თორის შესახებ ეს ფილმი სხვა ფილმებისგან?
როგორ შეიცვალა თორი სხვადასხვა ფილმში? მოგწონთ თორი დღეს? რატომ?
რას ფიქრობთ ჯეინ ფოსტერზე? შეიძლება მას გმირი დავარქვათ? რატომ?
რატომ სურდა გორს ყველა ღმერთის მოკვლა? შეიძლებოდა თუ არა მისი ბოროტმოქმედებად გადაქცევის თავიდან აცილება?
როგორ ფიქრობთ, რას ნიშნავს ფილმის დასასრული?
რა დადებით შინაარსზე უნდა გავამახვილოთ ყურადღება?
ფილმი არის იუმორისტული, მასში მოცემულია კარგი მისაბაძი მაგალითები და გვაძლევს წარმოსახვის გამდიდრების საშუალებას.
