მოკლე სიუჟეტი: ანიმაციური ფილმი ეფუძნება მარჯან სატრაპის ამავე სახელწოდების გრაფიკულ მემუარს, რომლის სიუჟეტიც ირანის რევოლუციის, ირან-ერაყის ომისა და შემდგომი რელიგიური ფუნდამენტალიზმის აღზევების ფონზე ვითარდება. ანიმაცია მოგვითხრობს მარჯანის („მარჯი“) ცხოვრებაზე, თეირანში გატარებულ ბავშვობაზე, ევროპაში გატარებულ ადრეულ ზრდასრულობისა და საბოლოოდ, ირანში დაბრუნებაზე.
კითხვები დისკუსიისთვის:
როგორ ფიქრობთ, რა დატვირთვა აქვს შავ-თეთრ ვიზუალს ნარატივის გათვალისწინებით?
აღწერეთ და დაახასიათეთ მთავარი პერსონაჟი, აქვს თუ არა საკუთარ თავთან კონფლიქტი? როგორ უმკლავდება სირთულეებს და დაბრკოლებებს?
აღწერეთ მთავარი პერსონაჟის გამოცდილება ირანში და ვენაში ცხოვრებისას, რა რადიკალურ განსხვავებებს ხედავთ? იცვლება თუ არა მისი მსოფლმხედველობა და ემოციური ფონი?
ფილმში განხილული საგულისხმო თემები: იდენტობა, თვითშეცნობა, პირადი თავისუფლება და სხვა.
თქვენ რა თემატიკას დაამატებდით ამ ჩამონათვალს?
