კომუნიკაციების კომისიამ 2024 წელს პირველად გამოაცხადა „მედიაწიგნიერების ოლიმპიადა,“ რომელიც მიზნად ისახავდა სკოლის მოსწავლეებსა და მასწავლებლებში მედიაწიგნიერების შესახებ ცნობიერების ამაღლებასა და დეზინფორმაციასთან გამკლავების ცოდნის/პრაქტიკული უნარების განვითარებას.

ეს არის კონკურსი უფროს კლასელებისთვის, რომელიც მოზარდებში მედიაწიგნიერების - კრიტიკული და ლოგიკური აზროვნების, ანალიზისა და ფაქტების გადამოწმების უნარების განვითარებას ისახავს მიზნად.

„გამარჯობა რუბის“ წიგნები - „თავგადასავალი პროგრამირების სამყაროში“ და „მოგზაურობა კომპიუტერში“ - ფინური წიგნების სერიაა, რო­მე­ლიც მიზ­ნად ისა­ხავს დაწყე­ბი­თი კლა­სის ბავ­შ­ვებ­ში პროგრამირებისა და კომ­პი­უ­ტე­რუ­ლი მეც­ნი­ე­რე­ბე­ბის საწყი­სე­ბის და­უფ­ლე­ბასთან ერთად, კრი­ტი­კუ­ლი აზროვნებისა და ანა­ლი­ზის უნარების ­გან­ვი­თა­რე­ბას.

კომუნიკაციების კომისია,  გაეროს ბავშვთა ფონდის (UNICEF) დაფინანსებითა და საქართველოს განათლებისა და მეცნიერების სამინისტროსთან მჭიდრო თანამშრომლობით დაიწყო   პროექტი, რომელიც გულისხმობს მედიაწიგნიერების ფორმალურ განათლებაში ინტეგრირებას.

მედიის გასაღები ფინური ონლაინ სერვისის -  „MEDIA AVAIN” მაგალითზე შექმნილი სარეიტინგო პლატფორმაა მშობლებისთვის, მასწავლებლებისა და მოზარდებისთვის,  რომელიც ეხმარება ახალგაზრდა მაყურებლებსა და ზრდასრულებს, ასაკობრივი ჯგუფების მიხედვით შეარჩიონ შესაბამისი მხატვრული ფილმი ან ანიმაცია და  გაეცნონ ფილმის შესახებ ინფორმაციასა და საინტერესო ფაქტებს.

ევროკავშირი აქტიურად არის ჩართული საქართველოში მედიაწიგნიერების დონის ამაღლებასა და ყალბი ინფორმაციის გავრცელების წინააღმდეგ ბრძოლაში, მათ შორის კომუნიკაციების კომისიის მედიაწიგნიერების განვითარების დეპარტამენტთან თანამშრომლობით.