კომუნიკაციების კომისიამ ახალგაზრდებში მედიაწიგნიერების უნარ-ჩვევების განვითარების მიზნით, სოხუმის სახელმწიფო უნივერსიტეტში სემინარი ჩაატარა. სემინარს 300-ზე მეტი სტუდენტი ესწრებოდა, რომლებიც ყალბი ინფორმაციის აღმოჩენაში გადამზადდნენ. მედიაწიგნიერების ტრენერმა ანი გვეტაძემ ბაკალავრიატის სტუდენტებთან შეხვედრისას დეტალურად ისაუბრა ყალბი ინფორმაციის აღმოჩენის მექანიზმებზე და მსმენელებს მიაწოდა ინფორმაცია ფაქტების გადამოწმების შესახებ. როგორ უნდა აღმოაჩინონ მედიასივრცეში გავრცელებული ყალბი ინფორმაცია, როგორ გადაამოწმონ წყარო და დაადგინონ რეალური ფაქტები - სტუდენტები ფაქტების გადამოწმებისა და ე.წ. Fake News-ის აღმოჩენის შესახებ, BBC Academy-ის მასალებით გადამზადდნენ.
კომუნიკაციების კომისია მედიაწიგნიერების მნიშვნელობისა და საჭიროების შესახებ ცნობიერების ამაღლებისა და ახალგაზრდებში მედიაწიგნიერების უნარ-ჩვევების განვითარების მიზნით, აგრძელებს უნივერსიტეტებში შეხვედრებს. კომუნიკაციების კომისიამ ოქტომბერში ყალბი ინფორმაციის აღმოჩენაში 500 სტუდენტი გადაამზადა. სემინარები ჩატარდა თბილისის, სოხუმისა და თელავის სახელმწიფო უნივერსიტეტებში, ასევე შოთა რუსთაველის თეატრისა და კინოს უნივერსიტეტში, ბათუმის შოთა რუსთაველის სახელმწიფო უნივერსიტეტში, ქუთაისის აკაკი წერეთლის სახელმწიფო უნივერსიტეტში, საქართველოს ეროვნულ უნივერსიტეტში, კავკასიის უნივერსიტეტსა და ბიზნესისა და ტექნოლოგიების უნივერსიტეტში. აღნიშნული სემინარები სტუდენტებს ლოგიკური და კრიტიკული აზროვნების, ანალიზისა და ფაქტების გადამოწმების ჩვევების გამომუშავებაში დაეხმარება.
მეტი ამ კატეგორიიდან
ComCom-მა 10 სტუდენტი გადაამზადა და მედიაწიგნიერების ტრენერის სტატუსი მიანიჭა
15 დღის წინ
ComCom-მა მედიაწიგნიერების კონკურსის ,,ნამდვილი თუ მოგონილი?!“ გამარჯვებულები მეათედ დააჯილდოვა
122 დღის წინ
ComCom-მა მედიაწიგნიერების კონკურსისთვის ბათუმში 70-ზე მეტი სტუდენტი გადაამზადა
142 დღის წინ
ComCom-მა სამცხე-ჯავახეთის უნივერსიტეტში მედიაწიგნიერების შესახებ სემინარი ჩაატარა
146 დღის წინ