„დეზინფორმაცია და მასთან ბრძოლის ხერხები“ - ამ თემაზე კომუნიკაციების კომისიის მედიასკოლამ მედიის წარმომადგენლებისა და ჟურნალისტიკის ფაკულტეტის სტუდენტებისთვის ორდღიანი სემინარი ჩაატარა. ჟურნალისტებთან ფსიქოლოგმა რუსუდან გორგილაძემ იმუშავა.
სასწავლო სემინარის ფარგლებში, მონაწილეებმა მიიღეს დეტალური ინფორმაცია, ტყუილის ფენომენისა და მისი ფორმების, ასევე ინფორმაციის და დეზინფორმაციის გავრცელების ისტორიის შესახებ. რუსუდან გორგილაძემ ჟურნალისტებთან მოვლენის ფსიქოლოგიურ საფუძვლებზე ისაუბრა და მათი განსხვავებული ფორმები კონკრეტული მაგალითებით განიხილა. სემინარის ფარგლებში, მონაწილეებმა ასევე თანამედროვე ტექნოლოგიებისა და სოციალური ქსელების საშუალებით პროპაგანდისათვის დეზინფორმაციის გამოყენების მაგალითები და მათთან გამკლავების ხერხები გაარჩიეს.
რუსუდან გორგილაძე განათლებით ფსიქოლოგია. ის იყო ჰარვარდის უნივერსიტეტის კურსდამთავრებულთა ასოციაციის ევროპის რეგიონული დირექტორი და ჰილდესჰაიმის უნივერსიტეტის დოქტორანტი. რუსუდან გორგილაძე ასევე მუშაობდა ჰარვარდის უნივერსიტეტის ვედერჰედის საერთაშორისო ურთიერთობათა ცენტრში მეცნიერ თანამშრომლად.
მეტი ამ კატეგორიიდან
ComCom-მა ზუგდიდში და აბაშაში 300-ზე მეტი ადგილობრივი ციფრულ წიგნიერებაში გადაამზადა
1 დღის წინ
ComCom-მა სომხეთის საგარეო საქმეთა სამინისტროს დელეგაციას მედიაწიგნიერების განვითარების საუკეთესო პრაქტიკა გაუზიარა
7 დღის წინ
ComCom-მა 10 სტუდენტი გადაამზადა და მედიაწიგნიერების ტრენერის სტატუსი მიანიჭა
13 დღის წინ
ComCom და სოხუმის სახელმწიფო უნივერსიტეტი მედიაწიგნიერების მიმართულებით ითანამშრომლებენ
19 დღის წინ