2022 წელს ComCom-მა მედიაწიგნიერებაში 2000-ზე მეტი მოსწავლე და 500 სტუდენტი გადაამზადა, მედიაწიგნიერების ვებ-გვერდს კი 40000-ზე მეტი ვიზიტორი ჰყავდა
05 ივნ. 2023
612 ნახვა

კომუნიკაციების კომისიის 2022 წლის საქმიანობის ანგარიშში ვკითხულობთ, რომ ComCom-ის მიზანი საზოგადოებაში მედიაწიგნიერების დონის ამაღლებაა, რის გამოც, კომისია ევროპული პრაქტიკის გათვალისწინებით, უკვე მეექვსე წელია სხვადასხვა პროექტს ახორციელებს.

2022 წელს, ComCom-მა მედიისა და ინფორმაციული წიგნიერების გლობალური კვირეულის ფარგლებში, თბილისსა და რეგიონებში მოსწავლეებისთვის, მასწავლებლებისთვის, მშობლებისა და სტუდენტებისთვის საგანმანათლებლო აქტივობები ჩაატარა. ღონისძიებაში მონაწილეობა საქართველოს განათლებისა და მეცნიერების სამინისტროს, საქართველოში გაეროს და ევროკავშირის წარმომადგენლობების, გაეროს ბავშვთა ფონდისა და დიდი ბრიტანეთის მარეგულირებელი ორგანოს წარმომადგენლებმა მიიღეს. კომუნიკაციების კომისიის მიერ კვირეულის ფარგლებში დაგეგმილი აქტივობები კი, მარეგულირებელი ორგანოების ევროპული პლატფორმის (EPRA) შეხვედრაზე, ცნობიერების ამაღლების საუკეთესო მაგალითად დაასახელეს.

ანგარიშში აღნიშნულია, რომ 2022 წელს, ComCom-მა მედიაწიგნიერების ახალი პროექტი - “მედიის გასაღებიდაიწყო, რომელიც აღიარებულია ევროკომისიის მიერ და მოზარდებს, როგორც ფილმების შინაარსის გააზრებაში, ასევე, კრიტიკული აზროვნების განვითარებაში ეხმარება. გასულ წელს, პლატფორმაზე 100 ფილმის შესახებ პროფესიონალი ფსიქოლოგებისა და კინომცოდნეების მიერ შემუშავებული მასალები განთავსდა, პლატფორმას კი, უკვე 40 ათასზე მეტი მომხმარებელი ჰყავდა. პროექტის ფარგლებში მოეწყო კინოჩვენებაც, სადაც 100-ზე მეტმა მოზარდმა მიიღო მონაწილეობა.

კომუნიკაციების კომისიამ ევროკავშირის მისიის მიერ მხარდაჭერილი მედიაწიგნიერების პროექტი - “დეზინფორმაცია, როგორც გამოწვევა, კრიტიკული აზროვნების განვითარება სკოლებში”, მაღალი მოთხოვნიდან გამომდინარე, 2022 წელსაც გააგრძელა. პროექტის მიზანი დეზინფორმაციით გამოწვეული ნეგატიური გავლენის შესახებ ცნობიერების ამაღლებაა, რისთვისაც, მოწვეულმა ექსპერტებმა სასწავლო მოდული შეიმუშავეს. შემუშავებული მოდულით ComCom-მა 900-ზე მეტი პედაგოგი დეზინფორმაციის აღმოჩენაში, წყაროს გადამოწმებასა და კრიტიკული აზროვნების განვითარებაში გადაამზადა. სამომავლოდ კი, პედაგოგები მიღებულ ცოდნას მოსწავლეებს გაუზიარებენ.

გასულ წელს, ComCom-მა, საქართველოს განათლებისა და მეცნიერების სამინისტროსთან და გაეროს ბავშვთა ფონდთან პარტნიორობით, ასევე, აშშ-ის საერთაშორისო განვითარების სააგენტოს ფინანსური მხარდაჭერით, დაიწყო პროექტიმედიაწიგნიერების ინტეგრირება ფორმალურ განათლებაში”, რომელიც მე-10 კლასელებისთვის მედიაწიგნიერების არჩევითი საგნის დამატებას ემსახურება. პროექტის ფარგლებში, კვლევის საფუძველზე შემუშავდა შესაბამისი სახელმძღვანელო და სასწავლო მოდული, რომლის მიხედვითაც,  2023 წელს 600-მდე პედაგოგი გადამზადდა.

2022 წელს, მერვედ ჩატარდა ComCom-ის მედიააკადემიის კონკურსინამდვილი თუ მოგონილი?!”, რომელიც მოზარდებში კრიტიკული აზროვნების, ანალიზისა და ფაქტების გადამოწმების უნარების განვითარებას ისახავს მიზნად. კონკურსანტებს მედიაში გავრცელებული ყალბი ინფორმაციის აღმოჩენა და აღმოჩენის გზების სასურველი ფორმით წარდგენა ევალებოდათ. კომპეტენტურმა ჟიურიმ კი, საუკეთესო ნამუშევრები გამოავლინა, რომელთა ავტორებსაც, კომისიამ ულტრათანამედროვე პრიზები გადასცა. კონკურსის პარალელურად, კომუნიკაციების კომისიამ 400-ზე მეტ მოსწავლესა და 500 სტუდენტს სასწავლო სემინარები ჩაუტარა.

ComCom-ის მიერ 2022 წელს განხორციელებული მედიაწიგნიერების პროექტებიდან კიდევ ერთი - “მედიის ეკონომიკაა”, რომელიც ევროკავშირის მიერაა აღიარებული და რომლის მიზანიც, მოზარდებში სოციალური მედიის ეკონომიკის შესახებ ცნობიერების ამაღლებაა. კომუნიკაციების კომისიამ პროექტის ავტორთან, ალესანდრა ფალკონთან ერთად, ქართულ სკოლებზე მორგებული სასწავლო სქემა შეიმუშავა და 850-მდე მოსწავლე გადაამზადა. პროექტი აღიარებულია “Evas Foundation”-ის მიერ, როგორც უნიკალური მიდგომა მედიის ეკონომიკისა და მედია საფრთხეების შესასწავლად.

მოზარდების ინტერნეტის მავნე ზეგავლენისგან დაცვის მიზნით, ComCom-მა 2022 წელს ქვეყნის მასშტაბით 1200-ზე მეტი მოსწავლე პროექტ “Happy Onlife”-ის მეშვეობით გადაამზადა. “Happy Onlife” არის ევროკავშირის ქვეყნების მიერ აღიარებული აპლიკაცია, რომელიც თამაშის მეშვეობით, ბავშვებს ინტერნეტში უსაფრთხო ნავიგაციასა და ონლაინ შინაარსის კრიტიკულ ანალიზს აწავლის. კომუნიკაციების კომისიამ შექმნა აპლიკაციის ქართული ვერსია, რომელიც უფასოა და უკვე 15 ათასზე მეტი მომხმარებელი ჰყავს.

გასულ წელს, ComCom-მა ფინური სახელმძღვანელოგამარჯობა რუბისდამატებით 5000 წიგნი დაბეჭდა და 40 საჯარო სკოლას უსასყიდლოდ გადასცა. ამასთან ერთად კი, ამავე სკოლების პედაგოგებს, აღნიშნული წიგნებით სწავლებაზე სემინარი ჩაუტარა. “გამარჯობა რუბიარის 25 ქვეყანაში აღიარებული და წარმატებული ფინური წიგნების სერია, რომელიც მოსწავლეებს პროგრამირებისა და კომპიუტერული მეცნიერებების საწყისებს ასწავლის. კომუნიკაციების კომისიამ საბავშვო წიგნების თარგმნისა და გამოცემის უფლება წიგნის ავტორისგან, ლინდა ლიუკასისგან, ექსკლუზიურად მიიღო.