კომუნიკაციების კომისიის მედიააკადემიაში მედიის წარმომადგენლებისა და ჟურნალისტიკის ფაკულტეტის სტუდენტებისთვის სემინარი „იუმორი და იუმორისტული ფორმატები“ ჩატარდა, რომელსაც პროდიუსერი ირაკლი კაკაბაძე და ტელეწამყვანი ირაკლი ვახტანგიშვილი უძღვებოდნენ.
შეხვედრაზე განხილული იყო, თუ რა არის იუმორი და რამდენადაა შესაძლებელი მისი სწავლა ისე, როგორც რომელიმე საგნის ან სპორტის სახეობის. სემინარის ფარგლებში, მონაწილეები ასევე გაეცნენ იუმორის ძირითად ფორმებსა და ფორმულებს, რომელთა გამოყენებითაც შესაძლებელია ხუმრობის მოფიქრება. გარდა ამისა, ტრენერებმა პრაქტიკულ მაგალითებზე დაყრდნობით, იუმორისტული ფორმატის შექმნის მთავარი წესები განიხილეს. შეხვედრის დასასრულს მონაწილეებს შესაბამისი სერტიფიკატები გადაეცათ.
შეგახსენებთ, რომ მედიააკადემია მედიის მხარდაჭერისა და ამ სფეროში დასაქმებული ადამიანების კვალიფიკაციის ამაღლების მიზნით, მნიშვნელოვან სემინარებსა და ლექციებს უკვე მეხუთე წელია ატარებს.
მეტი ამ კატეგორიიდან
ComCom-მა IX, X და XI კლასის მოსწავლეებისთვის მედიაწიგნიერების კონკურსი „ნამდვილი თუ მოგონილი?!“ გამოაცხადა
2 დღის წინ
ComCom-მა სომხეთის საგარეო საქმეთა სამინისტროს დელეგაციას მედიაწიგნიერების განვითარების საუკეთესო პრაქტიკა გაუზიარა
18 დღის წინ
ComCom და სოხუმის სახელმწიფო უნივერსიტეტი მედიაწიგნიერების მიმართულებით ითანამშრომლებენ
30 დღის წინ
ComCom-მა თსუ-ში მედიაწიგნიერების შესახებ ლექცია ჩაატარა
39 დღის წინ