კომუნიკაციების კომისიის წევრმა, ნათია კუკულაძემ მონაწილეობა მიიღო ორგანიზაცია საქართველოს ICT კლასტერის მიერ ორგანიზებულ შეხვედრაში, რომელიც ციფრული ტრანსფორმაციისა და მედიაწიგნიერების თემაზე გაიმართა. შეხვედრის ფარგლებში, ნათია კუკულაძემ ტექნოლოგიური პროგრესის თანმდევ საფრთხეებსა და გამოწვევებზე ისაუბრა, ყურადღება გაამახვილა მედიაწიგნიერების უნარ-ჩვევების განვითარების საჭიროებებზე და ღონისძიების მონაწილეებს დეზინფორმაციასთან ბრძოლის მექანიზმებსა და ყალბი ინფორმაციის აღმოჩენის გზებზე დეტალური ინფორმაცია მიაწოდა. ნათია კუკულაძემ, ასევე, ქვეყანაში მედიაწიგნიერების განვითარების მიმართულებით, კომუნიკაციების კომისიის როლსა და განხორციელებულ პროექტებზე ისაუბრა.
ღონისძიებას საქართველოს ICT კლასტერის ბორდის წევრი და ციფრული ტრანსფორმაციის კონსორციუმის თანადამფუძნებელი დავით კიზირია უძღვებოდა. პროექტი "ციფრული ტრანსფორმაციის საუბრები" USAID ეკონომიკური უსაფრთხოების პროგრამის მხარდაჭერით ხორციელდება.
მეტი ამ კატეგორიიდან
კომუნიკაციების კომისიამ ევროპულ სკოლაში პედაგოგებსა და მოსწავლეებს მედიაწიგნიერების ტრენინგები ჩაუტარა
865 დღის წინ
eTwinning-ი მედიაწიგნიერებისათვის!
914 დღის წინ
Fact or Fake - ჟურნალისტთა ასოციაციის მიერ შექმნილი ახალი აპლიკაცია
968 დღის წინ
ოზურგეთში 29 ათასამდე ადამიანს მაღალი ხარისხის ინტერნეტზე ექნება წვდომა
1037 დღის წინ