კომუნიკაციების კომისიამ და European Union in Georgia -მ დეზინფორმაციასთან გამკლავებაში აჭარის საჯარო სკოლისა და პროფესიული საგანმანათლებლო კოლეჯის 16 პედაგოგი გადაამზადეს.

კრიტიკული აზროვნება, დეზინფორმაციის იდენტიფიცირების სხვადასხვა ხერხი და ინფორმაციის ვალიდაციის მეთოდები - ეს ის თემებია, რომლებზეც ტრენინგი ბათუმის, ქობულეთის, შუახევის, ქედას, ხელვაჩაურის, ხულოს სკოლების მასწავლებლებს ჩაუტარდათ.

სასწავლო სემინარის ფარგლებში, პედაგოგებმა მიიღეს ცოდნა დეზინფორმაციისა და ანტიდასავლური პროპაგანდის ნეგატიური ზეგავლენისა და მათგან თავის დაცვის მექანიზმების შესახებ. ისინი ასევე გაეცნენ პრაქტიკულ მეთოდებს, თუ როგორ უნდა ამოიცნონ დეზინფორმაცია მედიაწიგნიერების უნარ-ჩვევების გამოყენებით და მიიღეს ამომწურავი ინფორმაცია ევროპული ღირებულებებისა და საქართველოს ევროკავშირთან დაახლოების პროცესის შესახებ.

მასწავლებლები მოწვეული ექსპერტების მიერ შემუშავებული შემოქმედებითი და ინტერაქტიული საგანმანათლებლო მოდულით გადამზადდნენ, რომელიც სპეციალურად აღნიშნული პროექტისთვის შეიქმნა.