“ციფრული მხარდაჭერის პროგრამის” ფარგლებში, კომუნიკაციების კომისიამ, ჩოხატაურის მუნიციპალიტეტის მერიაში საინფორმაციო შეხვედრა პროგრამის სამიზნე სოფლების წარმომადგენლებთან ჩაატარა. სამიზნე სოფლებში, მათ შორის:  ბჟოლიეთში, ბურნათში, ვაზიანში, ზოტში, კოხნარში, საჭამიასერში, ქვაბღაში, ქვემო ხეთში, ჩხაკაურაში, ხევსა და ნაბეღლავში სემინარები მაისის თვეში დაიწყება და ადგილობრივებს ინფორმაციის მოძიებას, ელ-ფოსტის შექმნასა და გამოყენებას, გუგლის რუქითა და თარჯიმნით სარგებლობას, ადგილმდებარეობის გაზიარებასა და ონლაინ საკომუნიკაციო საშუალებების გამოყენებასთან ერთად, მათ საჭიროებებზე მორგებულ თემატურ საკითხებს შეასწავლის.

„ციფრული მხარდაჭერის პროგრამა“ პროექტ LOG-IN GEORGIA-ს ნაწილია, რომელიც ინტერნეტიზაციის სახელმწიფო პროგრამის მხარდასაჭერად ხორციელდება და მიზნად საქართველოს სოფლად მცხოვრები მოსახლეობისთვის ინტერნეტის სწორად და ეფექტიანად გამოყენების სწავლებას ისახავს. პროგრამა ასევე მიმდინარეობს ქობულეთისა და ხელვაჩაურის მუნიციპალიტეტებში, სადაც უკვე 1000-ზე მეტი ბენეფიციარი ციფრულ წიგნიერებასა და ინტერნეტის უსაფრთხოდ გამოყენებაში გადამზადდა.