ავტორიზაცია
ოზურგეთის 10 სოფლის მოსახლეობას ციფრული სერვისების გამოყენებაში ტრენინგი ჩაუტარდა
25 აპრ. 2022
777 ნახვა
ციფრული მხარდაჭერის პროგრამა

კომუნიკაციების კომისიამ, „Log-in Georgia“- პროექტისციფრული მხარდაჭერის პროგრამისფარგლებში, ოზურგეთის მუნიციპალიტეტის სოფლების - მაკვანათის, დვაბზუს, ბახვის, სილაურის, ბაღდადის, ჯუმათის, ლიხაურის, ასკანას, კონჭკათისა და ჭალის მოსახლეობისთვის 10 ტრენინგი ჩაატარა. სპეციალურად შექმნილი პროგრამის ფარგლებში, ადგილობრივი მოსახლეობა ისეთ მნიშვნელოვან თემებში გადამზადდა, როგორებიცაა: ინტერნეტის უსაფრთხო გამოყენება, ინფორმაციის მოძიების მეთოდები, ინტერნეტი კომუნიკაციისთვის - სასარგებლო ონლაინ აპლიკაციები.

საქართველოს მთავრობის ინტერნეტიზაციის სახელმწიფო პროგრამის მხარდაჭერის მიზნით, მსოფლიო ბანკისა და ევროპის საინვესტიციო ბანკის თანადაფინანსებით, “Log-in Georgia”- პროექტი ხორციელდება. პროექტის მიზანი სოფლად მცხოვრები 500,000-მდე ფიზიკური პირისთვის მაღალი ხარისხის და შეღავათიანი ინტერნეტ მომსახურების მიწოდების შესაძლებლობის შექმნა, ასევე, ციფრული უნარების განვითარება და ციფრული სერვისების გამოყენების ხელშეწყობაა.

ინტერნეტიზაციის საპილოტე პროექტი, საქართველოს მთავრობის ინიციატივითსწორედ ოზურგეთის მუნიციპალიტეტით დაიწყო. პროექტის შედეგად, ოზურგეთის 49 სოფლის, 29 ათასამდე მოსახლეს მაღალსიჩქარიან, ფართოზოლოვან ინტერნეტზე ექნება წვდომა. „Log-in Georgia“- პროექტისციფრული მხარდაჭერის პროგრამასკი კომუნიკაციების კომისია ახორციელებს.