ავტორიზაცია
რა უნდა იცოდნენ მშობლებმა მათი შვილების ინტერნეტ აქტივობებთან დაკავშირებით?
25 ოქტ. 2021
238 ნახვა

დღეს ძალიან რთულია მშობელმა გააკონტროლოს მისი შვილის მიერ ინტერნეტ სივრცეში განხორციელებული აქტივობები. საკითხი ეხება, არამხოლოდ კონტროლის მექანიზმების არსებობა-არ არსებობას, არამედ თავად ინფორმირებულობის ნაკლებობას, იმასთან დაკავშირებით თუ რა სახის საკითხებზე უნდა გაამახვილოს მშობელმა ყურადღება.

მშობლებმა უნდა მოაგროვონ ინფორმაცია და დაუსვან საკუთარ თავს შემდეგი კითხვები:

  • რას აკეთებენ მათი შვილები ინტერნეტში და ვის ელაპარაკებიან?
  • არიან თუ არა ფრთხილად, სანამ დაპოსტავენ ან გააზირებენ საკუთარ ან სხვა ადამიანებზე ნებისმიერ ინფორმაციას, განსაკუთრებით კი ფოტოს?
  • აქვეყნებენ თუ არა ნებისმიერი სახის პირად ინფორმაციას ონლაინ?
  • იციან თუ არა ბავშვებმა ინტერნეტის მოხმარების პოლიტიკა?
  • იყენებენ თუ არა ბავშვები ინტერნეტ აქტივობებს საგანმანათლებლო მიზნებისთვის?
  • ამოწმებენ თუ არა ინტერნეტში გავრცელებულ ინფორმაციას თუ ბრმად სჯერათ მისი?
  • იციან თუ არა შვილებმა, რომ ბრაზის, შიშის, აღტაცებისას არ უნდა უპასუხონ არავის და არ დაპოსტონ სოციალურ ქსელში?  
  • როგორ ელაპარაკებიან მათი შვილები სხვა ადამიანებს? იციან თუ არა, რომ იმ ადამიანებს, ვისაც ჩვენ ონლაინ ველაპარაკებით, აქვთ გრძნობები და შესაძლოა ჩვენ ვაწყენინოთ მათ, ისევე, როგორც, მათ გვაწყენინონ ჩვენ; ამიტომ აუცილებელია, სანამ ვინმეს ვუპასუხებთ დავაყენოთ ჩვენი თავი მათ ადგილას
  • ეცნობიან თუ არა ბავშვები, კომერციული ვებ გვერდების უსაფრთხოების პოლიტიკას თუ რა სახის პირად ინფორმაციას აგროებენ ისინი და შესაძლებელი არის თუ არა მათი მესამე პირისთვის გადაცემა?
  • პასუხისმგებლიანად იქცევიან თუ არა ონლაინ სივრცეში? აცნობიერებენ, რომ ვებ გვერდებიდან „ქურდობა“, პირატული ვებ გვერდებიდან ჩამოტვირთვა, ონლაინ მუქარა და ჰაკერობა არის უკანონო ქმედებები?