კომუნიკაციების კომისიამ, მედიაწიგნიერების ფორმალურ განათლებაში ინტეგრირების პროექტის ფარგლებში, ბათუმში 40-მდე პედაგოგი გადაამზადა. სემინარებს მედიაწიგნიერების ტრენერი, ანი გვეტაძე წარუძღვა და ის მასწავლებლები გადაამზადა, რომლებიც სკოლებში მედიაწიგნიერების საგანს შეასწავლიან.
მედიაწიგნიერების ფორმალურ განათლებაში ინტეგრირების პროექტი მე-10 კლასელებისთვის არჩევითი საგნის დამატებას ემსახურება. საგანს მოსწავლეები გადამზადებული მასწავლებლების ხელმძღვანელობით, 1 სემესტრის განმავლობაში გაივლიან და მედიაწიგნიერების, მედიისა და ინფორმაციის ენის, ინფორმაციის დამუშავებისა და დეზინფორმაციის შესახებ ისწავლიან.
შეგახსენებთ, რომ „მედიაწიგნიერების ფორმალურ განათლებაში ინტეგრირების“ პროექტს კომუნიკაციების კომისია გაეროს ბავშვთა ფონდის დაფინანსებით და საქართველოს განათლებისა და მეცნიერების სამინისტროსთან მჭიდრო თანამშრომლობით ახორციელებს. პროექტი მიზნად საქართველოს ყველა რეგიონიდან ჯამში 500 მასწავლებლის გადამზადებას ისახავს.
მეტი ამ კატეგორიიდან
ComCom-მა მედიაწიგნიერების ფორმალურ განათლებაში ინტეგრირების მიზნით, სკოლებში საინფორმაციო შეხვედრები დაიწყო
189 დღის წინ
მედიაწიგნიერების ფორმალურ განათლებაში ინტეგრირების მიზნით, ComCom-ს, TPDC-სა და UNICEF-ს შორის ურთიერთთანამშრომლობის შეთანხმება გაფორმდა
301 დღის წინ
ComCom-მა განათლებისა და მეცნიერების სამინისტროში „მედიაწიგნიერების ფორმალურ განათლებაში ინტეგრირების“ პროექტის შედეგების პრეზენტაცია გამართა
386 დღის წინ
თელავში ComCom-ის მიერ გადამზადებული 20-მდე პედაგოგი სკოლებში მედიაწიგნიერებას შეასწავლის
394 დღის წინ